2022-ci ildə Azərbaycanda cəmi satınalma məbləğində bir mənbədən satınalmanın payında əhəmiyyətli olduğu (65%-dən çox) 9 dövlət qurumu qeydə alınıb.
İqtisadiyyat Nazirliyi yanında Əmlak Məsələləri Dövlət Xidmətinin satınalmalarında bu metodla satınalmanın çəkisi 95,8%, Akademik Ə.Quliyev adına Aşqarlar Kimyası İnstitutunda 87,5%, Aqrar Sığorta Fondunda 84,6%, Bərpa Olunan Enerji Mənbələri Dövlət Agentliyində 81,8%, Mədəniyyət Nazirliyində 78,8%, Azərbaycan Respublikasının Kosmik Agentliyi üzrə 75,8%, Kənd Təsərrüfatı Nazirliyi üzrə 75,7%, Kənd Təsərrüfatı Nazirliyinin Aqrar Tədqiqatlar Mərkəzi üzrə 74,5%, Azəbaycan Respublikası Audiovizual Şurası üzrə isə 68,5% təşkil edib.
Ötən ildə say baxımından satınalmalar arasında bir mənbədən satınalma metodu 35,4 faiz, elektron da daxil olmaqla açıq tender 33,6 faiz, kotirovka sorğusu 27,0 faiz, təkliflər sorğusu 4,0 faiz paya malik olub.
Məbləğ baxımından satınalmada açıq tender (elektron daxil olmaqla) ümumi məbləğdə 50,6 faiz, bir mənbədən satınalma metodu 33,6 faiz, təkliflər sorğusu 14,8 faiz, kotirovka sorğusu 1,0 faiz paya malik olub.
2022-ci illərdə keçirilmiş satınalmalar barədə hesabata əsasən, ötən il ümumilikdə, 12102 sayda satınalma həyata keçirilib və məbləğ 6779,2 milyon manat təşkil edib. Beləliklə, ötən ildə 4063 sayda açıq tender üzrə (elektron da daxil olmaqla) məbləğ 3430,6 milyon, 3271 sayda kotirovka sorğusu üzrə 67,9 milyon, 490 sayda təkliflər sorğusu üzrə 1002,2 milyon, 4278 sayda bir mənbədən satınalma üzrə isə məbləğ 2278,5 milyon manat təşkil edib.
2022-ci il ərzində satınalma metodlarının say baxımından 40,5 faizi ilin I yarısında, 59,5 faizi isə II yarısında tətbiq edilib.
www.anews.az
Bizi sosial şəbəkələrdə izləyin !