Katoliklərin dini lideri İslam Dövləti (İŞİD) terror qruplaşmasından ehtiyatlandığını büruzə verib. 

ANS PRESS-in məlumatına görə, 2013-cü ilin mart ayından bəri – Papa seçildiyi müddət ərzində üçüncü Apostolik ziyarətini həyata keçirən papa Fransisk Cənubi Koreyada olub. O, Cənubi Koreyada səfərdə olarkən iki qonşu Koreya dövlətlərini bir-birinə güc nümayişi əvəzinə, sülh yönümlü dialoqa dəvət edib. 

Beş günlük səfərdən sonra Romaya qayıdan papa, təyyarədə müxbirlərə bir sıra açıqlamalar verib. Papa Fransisk zülmün insanlar üçün adi bir hal olaraq qəbul edildiyini, minlərlə insanın müharibələrin qurbanı olduğunu, üçüncü dünya müharibəsi yaşandığını bildirib. 

İŞİD-in İraqın şimalındakı kürdlər yaşayan bölgəyə hücumlarından olduqca təsirləndiyini dilə gətirən Papa, “Həmin bölgəyə getmək üçün hazıram, amma hazırda bu yaxşı fikir deyil” – deyə ehtiyat etdiyini diqqətə çatdırıb. 

ANN.Az