Ermənistanın baş naziri Nikol Paşinyan ilin sonuna qədər Azərbaycanla sülh sazişi imzalamaq istədiyini bildirib. TASS-ın verdiyi məlumata görə, o, bu barədə parlamentdə hökumət qarşısında çıxışı zamanı bildirib.
"Düzünü desəm, mən Azərbaycanla sülh sazişinin bu ilin sonuna qədər imzalanmasını istəyirəm. Bu nə dərəcədə realdır? Bu suala belə cavab verəcəm: mən və hökumət bunun reallaşması üçün hər şeyi edəcəyik”, Paşinyan bildirib.
Bundan əvvəl Ermənistan parlamentinin sədri Alen Simonyan bildirmişdi ki, respublikanın baş naziri Nikol Paşinyan oktyabrın 31-də Azərbaycan və Rusiya prezidentləri İlham Əliyev və Vladimir Putinlə danışıqlar aparmaq üçün Soçiyə getməyi planlaşdırır.
2020-ci ilin payızında ba verən ikinci Qarabağ savaşı zamanı Azərbaycan işğal altında olan ərazilərinin çpxunu qaytara bilib. Erməni əhalisi yaşayan yerlərdə isə Rusiya sülhməramlıları yerləşdirilib və atəşkəs elan olunub.
2022-ci ilin sentyabrında Azərbaycan və Ermənistan sərhədində vəziyyət yenidən gərginləşib. Tərəflər bir-birini vəziyyəti gərginləşdirməkdə ittiham ediblər. İrəvan cənub-şərq sərhədinin atəşə tutulduğunu elan edib. Rəsmi Bakı isə bunu inkar edib. Hər iki tərəfdən onlarla əsgərin öldüyü və yaralandığı barədə məlumatlar var.
N.Təbrizli
www.anews.az
Bizi sosial şəbəkələrdə izləyin !