Ermənistanın baş naziri Nikol Paşinyan Ermənistan əhalisinin təhlükəsizliyinin təmin edilməsi şərti ilə Azərbaycanın Dağlıq Qarabağ daxil ərazi bütövlüyünü tanıdığını bildirib. O, bunu bazar ertəsi keçirdiyi mətbuat konfransında bəyan edib. Bu barədə Rusiyanın TASS xəbər agentliyi məlumat yayıb.
"Ermənistan Azərbaycanın Ermənistanın 29,8 min kvadrat kilometr ərazi bütövlüyünü tanımağa hazır olmasından çıxış edərək öz növbəsində Azərbaycanın da 86,6 min kvadrat kilometrlik ərazisini tanıyır. Azərbaycanın 86,6 min kvadrat kilometr ərazisinə Dağlıq Qarabağ da daxildir. Lakin onu da qeyd edək ki, Dağlıq Qarabağ ermənilərinin hüquqları və təhlükəsizliyi məsələsi Bakı-Stepanakert formatında müzakirə edilməlidir”, - Paşinyan bildirib.
Ermənistan və Azərbaycan bir-birinin ərazi bütövlüyünü tanıması ilə bağlı razılığa 2023-cü il mayın 14-də Brüsseldə Avropa İttiifaqı Şurasının rəhbəri Şarl Mişelin iştirakı ilə keçirilən görüş zamanı gəlib.
Həmin görüşdən sonra Mişek bildirib ki, liderlər 1991-ci il Alma-ata Bəyannaməsinə uyğun olaraq bir-birinin ərazi bütövlüyünü tanımaq barədə razılığa gəliblər.
"Sərhəd məsələlərində biz sərhədlərin delimitasiyası ilə bağlı irəliləyişləri və növbəti addımları nəzərdən keçirdik. Bu çərçivədə liderlər sərhəd məsələlərinə dair ikitərəfli görüşləri bərpa etmək barədə razılığa gəliblər. Liderlər 1991-ci il Alma-ata Bəyannaməsinə və Ermənistanın (29,800 km2) və Azərbaycanın (89,600 km2) müvafiq ərazi bütövlüyünə qeyd-şərtsiz sadiq olduqlarını bir daha təsdiq etdilər. Sərhədin yekun delimitasiyası danışıqlar yolu ilə razılaşdırılacaq", - Mişel bildirib.
Alma-ata bəyannaməsi Müstəqil DÖvlətlər Birliyinin (MDB) məqsəd və prinsipləri, əsasları barədə olub, SSRİ-nin mövcudluğunu dayandırdığına işarə edən və MDB-nin yaradlmasını nəzərdə tutan sənəddir.
Bu sənəd 1991-ci il dekabrın 21-də qəbul edilib.
Ayişə Zahid
www.anews.az
Bizi sosial şəbəkələrdə izləyin !
