Paşinyan Minsk qrupundan çıxmaq üçün şərtini açıqlayıb
31.01.2025 15:15
Ermənistan Azərbaycanın heç bir iddiası olmadığı halda ATƏT-in Minsk qrupunun ləğv edilməsinə hazır olduğunu bəyan edib. Bunu Ermənistanın baş naziri Nikol Paşinyan yanvarın 31-də keçirdiyi mətbuat konfrasında deyib.
"Biz aşağıdakı əsaslandırma ilə razıyıq: əgər münaqişə yoxdursa, o zaman münaqişəyə xidmət edən formatın mövcudluğunun nə mənası var. Amma əmin olmaq istəyirik ki, Azərbaycan, ATƏT-in Minsk Qrupunun buraxılması eyni məna daşıyır, həm də Azərbaycanın ATƏT-in Minsk Qrupunu buraxmaq istəyi formatı bağlamaq, sonra isə Ermənistana qarşı yeni ərazi iddiaları formalaşdırmaq məqsədi daşımasın”, - Paşinyan bildirib.
Yanvarın 11-də Ermənistanın baş nazirinin mətbuat katibi Nazeli Baqdasaryan bildirib ki, Ermənistan ATƏT-ə Minsk qrupunun ləğvi məsələsi ilə bağlı müraciət etmək imkanını nəzərdən keçirir.
Bundan əvvəl Azərbaycan Prezidenti İlham Əliyev müsahibəsində bildirib ki, sülh müqaviləsində əsas şərtlərdən də biri bu olmalıdır ki, ATƏT-in Minsk Qrupu ləğv edilməlidir.
"Bu qrup artıq funksional deyil və əgər Ermənistan Qarabağı Azərbaycanın bir hissəsi kimi tanıyırsa, bu qrup nəyə lazımdır? Ermənistanın Minsk Qrupunun ləğvinə razılıq verməməsi revanşist planların olduğunu göstərir", - Prezident bildirib.
Gülnar Nazimqızı
www.anews.az
Foto 
Video 
