Paşinyan rusların yanında ABŞ-ı tənqid etdi

Ermənistanın baş naziri Nikol Paşinyan Rusiyanın "Nezavisimaya qazeta” nəşrinə müsahibəsində ABŞ-ı tənqid edib.

Publika.az xəbər verir ki, Paşinyan qəzetin icmalçısı Yuri Simonyanın "Suriyaya hərbi humanitar yardımın aparılması ilə bağlı Vaşinqton tərəfindən Ermənistanın keçmiş hakimiyyəti indiki iqtidar qədər açıq şəkildə heç vaxt tənqid edilməyib. Siz ABŞ-la münasibətləri necə tarazlaşdırmağı planlaşdırırsınız” sualına belə cavab verib: "Ermənistanda ABŞ hakimiyyətini mənim kimi heç bir hökumət tənqid etməyib”.

Paşinyan qeyd edib ki, onların əsas məqsədi Ermənistanın suverenliyi və müstəqilliyini qorumaqdır.

"Təbii ki, biz regional və beynəlxalq münasibətlərdən kənarda qala bilmərik. Müzakirələrə həmişə açığıq”, - deyə o bildirib.