“Ölkədən getmək, ölkəyə gəlmək və pasportlar haqqında” qanunun adı dəyişdirilərək “Pasportlar haqqında” qanun edilir.
Azərbaycanda pasportlarla bağlı vahid qanun formalaşır, bununla bağlı qanunvericilikdə dəyişikliklər edilir.
ANN.Az-ın APA-ya istinadən xəbərinə görə, “Ölkədən getmək, ölkəyə gəlmək və pasportlar haqqında” qanunun adı dəyişdirilərək “Pasportlar haqqında” qanun edilir. Bununla bağlı qanundan bir sıra maddələr ləğv edilərək çıxarılır.
Yeni layihəyə əsasən, qanundan 1-ci (Azərbaycan Respublikası vətəndaşlarının ölkədən getmək və ölkəyə gəlmək hüququ), 2-ci (Vətəndaşın ölkədən getmək və ölkəyə gəlmək hüququnun həyata keçirilməsi), 11-ci (Xaricə daimi yaşayış üçün gedən vətəndaşların hüquqi vəziyyəti) və 15-ci (Azərbaycan Respublikasına pasportsuz və ya vizasız gələn əcnəbilər) maddələr ləğv edilir.Layihə Milli Məclisin plenar iclasına tövsiyə olunub.
ANN.Az