Peskov Azərbaycan və Ermənistanı təmkinli olmağa çağırıb

 

Peskov hər iki ölkəni təmkinli olmağa çağırıb.

"Əlbəttə, biz bəzi sahələrdə gərginliyin səngiməməsindən və hətta artmağa meylli olmasından narahatıq. Hər şeyə baxmayaraq, Rusiya təhlükəsizliyin etibarlı təminatçısı olaraq qalır. Biz həm İrəvanla, həm də Bakı ilə əlaqələrimizi davam etdiririk. Və təbii ki, biz hər iki tərəfi təmkin göstərməyə və iki il əvvəl imzalanmış həmin üçtərəfli sənədlərin ruhunda hərəkət etməyə çağırırıq", - Peskov Tacc agentliyinə deyib.

 

Sentyabrın 13-də Rəsmi Bakı Ermənistana sülh sənədi ilə bağlı yeni şərhlərini göndərdiyini açıqlayıb. Ermənistanın baş naziri Nikol Paşinyan sənədi aldığını təsdiqləyib və sən üzərində işlədiklərini söyləyib. 
 
Bundan əvvəl Rəsmi Bakı və Ermənistan arasında sülh müqaviləsi sənədi üzərində bir necə təkliflər planı hazırlanıb. 
 
Azərbaycan Prezidenti İlham Əliyevin xarici siyasət məsələləri üzrə müşaviri Hikmət Hacıyev daha əvvəl açıqlamasında vurğulayıb ki, Azərbaycan Ermənistanla sülh sənədinin 70%-ni əldə etmişdi, lakin Ermənistan prosesə müdaxilə etdi və sülhdən yayındı. 
 
Azərbaycanla Ermənistan arasında hərbi əməliyyatlar 2020-ci ilin noyabrında üçtərəfli bəyanatın imzalanmasından sonra dayandırılıb. Bəyanatdan sonra Rusiya sülhməramlıları 5 il müddətində Qarabağa müvəqqəti sülhməramlı kimi yerləşdirilib. Bu dövrdən sonra Azərbaycan və Ermənistan dövlət başçıları, o cümlədən hər iki ölkənin xarici işlər nazirləri  bir çox rəsmi görüşlər keçirib. Hazırda sülh müqaviləsi üzərində danışıq prosesləri getsə də tərəflər bir birini təxribatlar törətməkdə günahlandırır və bu, ekspertlərin fikrincə,  sülh müqaviləsinin imzalanmasına əngəl yaradır. 

 

Gülnar