2023/2024-cü il qəbul göstəricilərinə görə Polis Akademiyasına qəbul olanların 78%-i regionalardandır. Bunu Real TV-yə müsahibəsində Daxili İşlər Nazirliyinin Mətbuat xidmətinin rəisi, polis polkovnik-leytenantı Elşad Hacıyev deyib.
O bildirib ki, bu il 500 kursant Akademiyaya qəbul alıb.
"Polis Akademiyasında tələbələr üçün bütün imkanlar yaradılıb. Gənclərin burdakı xüsusi təhsilə marağı böyükdür. Əvvəlki illərlə nəticələri təhlil etsək Akademiyaya maraq ildən -ilə artır. Polis Akademiyasına balı çatmayan 200-ə yaxın gənc isə daxili işlər orqanları ilə əlaqəli olan digər ali təhsil müəssisəsi- Daxili Qoşunların Hərbi İnstituta qəbul məsələsinə baxılır. 125 nəfər həmin seçimlə Daxili Qoşunların Hərbi İnstituna qəbul olunub. Balı çatmayan 40 nəfər digər abturiyentlər isə başqa ölkələrdə təhsil almağa göndərilib", - o bildirib.
Bundan əvvəl Elşad Hacıyev bildirib ki, 2025-2026-cı tədris ili üçün Polis Akademiyasına l qrupdan İnformasiya Təhlükəsizliyi ixtisası üzrə qəbul elan ediləcək.
Gülnar Nazimqızı
www.anews.az
Bizi sosial şəbəkələrdə izləyin !
