BMT Cenevrə Ofisinin Baş direktoru Azərbaycana səfər edib
04.07.2024 20:14
BMT-nin Cenevrədəki Ofisinin Baş direktoru Tatyana Valovaya Azərbaycanda səfərdədir.Səfər çərçivəsində o, Heydər Əliyev Fondunun icraçı direktoru Anar Ələkbərovla görüşüb.Bu barədə Fonddan məlumat verilib.
Görüşdə Heydər Əliyev Fondu ilə BMT arasında gələcək əməkdaşlığa dair fikir mübadiləsi aparılıb, COP29 çərçivəsində iki qurumun birgə fəaliyyətinə dair layihələr müzakirə edilib.
Azərbaycanın bu il ev sahibliyi edəcəyi BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29-un dünyada ekoloji problemlərin həlli baxımından uğurlu nəticələr verəcəyinə, bu tədbirin bəşəriyyət üçün yaşıl, ədalətli, inklüziv və dayanıqlı dünya naminə həmrəyliyi gücləndirmək, planetimizin gələcəyi üçün müsbət nəticələr əldə etmək istiqamətində növbəti addım olacağına əminlik ifadə olunub.
Qonaq daha sonra Heydər Əliyev Mərkəzində nümayiş etdirilən sərgilərlə tanış olub.
www.anews.az
Oxşar xəbərlər
Oxşar xəbərlər
Foto 
Video 
