Regionda sülhün bərqərar olması üçün tarixi şans yaranıb. Bunu Ermənistan parlamentinin spikeri Alen Simonyan brifinqdə bildirib.
Simonyan vurğulayıb ki, danışıqlar prosesi dalana dirənməyib, lakin proses gecikir.
Spiker regionda tarixi şans yarandığını da qeyd edib.
Ermənistan rəsmisi danışıqlar prosesində Rusiya tərəfinin vasitəçiliyini qəbul etməyəcəyini də açıqlayıb.
Rusiya Ermənistan və Azərbaycan arasında normallaşmaya kömək etməyə hazırdır, lakin hər iki tərəfin müstəqil səylərini alqışlayacaq. Bunu Rusiya prezidentinin mətbuat katibi Dmitri Peskov Ermənistan parlamentinin spikeri Alen Simonyanın İrəvanın çətin ki, Moskvanın bu məsələdə vasitəçiliyi ilə razılaşacağı barədə bəyanatını şərh edərkən bildirib.
"İstənilən yardımı göstərməyə hazır olduğumuzu saxlamaqla, biz müstəqil səyləri alqışlayacağıq. Əsas odur ki, Cənubi Qafqaz regionu proqnozlaşdırıla bilən olaraq qalsın və o, həqiqətən də tərəqqi və əməkdaşlıq ərazisinə çevrilsin" o deyib.
Oktyabrın 24-də Paşinyan və Əliyev Kazanda keçirilən BRICS sammiti çərçivəsində görüş keçirərək xarici işlər nazirlərinə sazişin imzalanması üçün layihəni tamamlamaq tapşırığını veriblər. Bundan əvvəl Ermənistan hökumət başçısı sənədin 80-90% razılaşdırıldığını bəyan edib.
Bundan əvəl Ermənistanın baş naziri Nikol Paşinyan bir neçə dəfə Azərbaycana təklif edib ki, sülh razılaşdırılmış bəndlər üzərinə imzalansın.
Paşinyana cavab olaraq Azərbaycan prezidenti bildirib ki, sülh sazişinin razılaşdırılmış bəndləri üzrə müqavilə bağlanması təklifini reallıqdan kənardır.
Bundan əvvəl Azərbaycan Prezidenti İlham Əliyev bildirib ki, sülh sənədi layihəsinin 80%-i artıq razılaşdırılıb. Sadəcə açıq qalan 2 məsələ var.
Hazırda iki ölkə arasında danışıqlar prosesi davam edir.
Gülnar Nazimqızı
Foto 
Video 
