Ermənistanın üzərinə götürdüyü öhdəlikləri yerinə yetirməsini gözləyirik - Nazir

Ermənistanla sülh prosesi ilə bağlı bir sıra sahələrdə təmaslar davam edir.Bunu xarici işlər naziri Ceyhun Bayramov jurnalistlərə açıqlamasında deyib.

Nazir bildirib ki,normallaşma prosesində hazırda İrəvan tərəfindən ciddi addımlar atılmır: "Azərbaycanın Ermənistandan gözləntiləri var. Bu, ərazi iddialarından əl çəkmək və ATƏT-in Minsk qrupunun ləğvidir. Biz bu prosesləri izləyirik. Əlaqələr var, amma hələlik ciddi addımlar müşahidə olunmayıb".

Bayramov onu da qeyd edib ki, Bakı ilə İrəvan arasında sərhədlərin delimitasiyası məsələsi ilə bağlı ilk təmaslar artıq olub və bu istiqamətdə işlər davam etdiriləcək. Azərbaycan Ermənistandan Azərbaycanın qərb rayonları ilə Naxçıvan arasında nəqliyyat və kommunikasiya xətlərinin bağlanması ilə bağlı öhdəliklərini yerinə yetirməsini gözləyir.

O, işğaldan azad edilmiş ərazilərdəki mina təhlükəsi ilə bağlı vəziyyəti də şərh edib: "2020-ci ilin noyabr ayından Azərbaycanın işğaldan azad edilmiş torpaqlarında 400-ə yaxın mina hadisəsi qeydə alınıb. 70-ə yaxın insan həlak olub və ya ağır yaralanıb. Bu hadisələrin yarıdan çoxu mina sahəsinin xəritəsi ümumiyyətlə verilməyən ərazilərdə baş verib".