PA rəsmisi: Qədim erməni lüğətlərində nə lavaş, nə də düdük sözü var

"Ermənilər gürcülərin xaçapurisini də özününküləşdirməyə çalışırlar”.

Ermənilər deyirlər ki, lavaş bizə dədə-babadan qalıb. Lakin 18 qədim erməni lüğətlərində nə lavaş, nə də düdük sözü var.

Oxu.Az xəbər verir ki, bunu jurnalistlərə Azərbaycan Prezidenti Administrasiyasının şöbə müdiri, politoloq Fuad Axundov bu gün keçirilmiş tədbirdə bildirib.

F.Axundovun sözlərinə görə, azərbaycanlı alimlər erməni yalanlarını elmi metodla birmənalı olaraq təkzib edəcək, ermənilərin azərbaycanlılar və regionun digər xalqlarının mədəni irs nümunələrinə olan iddialarının qarşısını alacaq yeni bir texnologiya hazırlayıblar:

"Əgər ermənilər deyirlər ki, bizim babalarımız minilliklərlə lavaş yeyiblərsə, o zaman onların lüğətlərində lavaş sözü olmalı idi. Lakin onların 18 lüğətlərində, o cümlədən izahlı lüğətlərində, 1837-ci ildə hazırlanmış rus-erməni lüğətində də lavaş sözü yoxdur”.

F.Axundov vurğulayıb ki, azərbaycanlı alimlər erməni yalanlarının ifşası üzrə texnologiyanı qonşu xalqlara da verəcək.

"Ermənilər gürcülərin xaçapurisini də özününküləşdirməyə çalışırlar”.

PA-nın şöbə müdiri həmçinin bildirib ki, ermənilər Vikipediya ilə çox aktiv işləyirlər.

"Onlar vikipediyada 10-15 yalan lüğət yerləşdiriblər ki, guya həmin lüğətlərdə lavaş sözü var. Lakin bu lüğətlərin hamısı 21-ci əsrin lüğətləridir. İndi ermənilər hazırladıqları lüğətlərə istədikləri sözü sala bilərlər.

Ermənilər yalandan fars-erməni lüğətini yaratdıqlarını bildirirlər. Bu kitabda cəmi 40 söz var. Mən heç vaxt 40 sözdən ibarət lavaş görməmişəm. İkincisi, əgər bu belədirsə, deməli ermənilər lavaş sözünü fars dilindən tərcümə edirdilər, çünki lüğət fars dilindən erməni dilinə tərcümədir”.

ANN.Az