İlham Əliyev GÖSTƏRİŞ VERDİ - Bu problem həll olunur

22.11.2019 16:02

Bakı-Sumqayıt yolunun tıxac problemini aradan qaldıran layihənin icrasına başlanılıb.

Bununla bağlı Anews.az-a açıqlama verən Azərbaycan Avtomobil Yolları Dövlət Agentliyinin (AAYDA) İctimaiyyətlə Əlaqələr şöbəsinin rəisi Anar Nəcəfli bildirib ki, yeni layihə "Şamaxı yolu" və "20 Yanvar” dairəsi adlanan ərazidəkı tıxac problemini də həll edəcək:

"Ölkə başçısının tapşırığına uyğun olaraq, Bakı-Quba-Rusiya Federasiyası ilə dövlət sərhədi avtomobil yolunun Bakı-Sumqayıt hissəsində tıxacın aradan qaldırılması istiqamətində Azərbaycan Avtomobil Yolları Dövlət Agentliyinin və aidiyyəti qurumların əməkdaşları tərəfindən yol boyu baxış keçirilərək təkliflər hazırlanıb. Həmin təkliflər Prezident Administrasiyasına təqdim olunub. Onlardan birinin üzərində dayanılıb və hazırda ilkin işlərə start verilib. Buna əsasən, həmin ərazidən dəmiryolu körpüsü keçir. Həmin körpününün altından daha ikizolaqlı olmaqla yolun genişləndirilməsi işləri həyata keçirilir. Ümumilikdə, ərazilərdən asılı olaraq yolun 6-18-ci kilometrlik hissəsinin 2-3 hərəkət zolağı enində genişləndirilməsi nəzərdə tutulur. Bunun davamı olaraq, Xırdalan dairəsi adlanan ərazinin 11-ci kilometrlik hissəsində daha ikizolaqlı olmaqla hər iki istiqamət üzrə tunelin tikintisidir.

Bundan başqa, Xırdalan-Binəqədi istiqamətində avtonəqliyyat vasitələrinin hərəkətini təmin etmək üçün ikizolaqlı olmaqla yeni yolun inşası aparılacaq. Artıq "20 Yanvar” dairəsindən gələn Moskva prospekti boyunca hərəkət edən nəqliyyat vasitələri Moskva prospektində yerləşən tuneldən keçməklə heç yerə dönmədən Sumqayıt istiqamətində hərəkət edə biləcəklər. Eyni işlər əks istiqamət üzrə də həyata keçiriləcək.

Həmçinin, "20 Yanvar” dairəsində adlanan ərazidə, "Şamaxı yolu" adlanan ərzidə sıxlığın aradan qaldırılması üçün də bir layihə üzərində işlər gedir. Onunla da bağlı təkliflər hazırlanır. Qeyd edim ki, Sumqayıt istiqamətindən gələn nəqliyyat vasitələri "Şamaxı yolu", "20 Yanvar” dairəsinə daxil olmadan Bakı Beynəlxalq Avtovağzal Kompleksinin qarşısından keçməklə dairəvi yolun alt hissəsində inşa olunacaq tunel vasitəsilə birbaşa Abbas Mirzə Şərifzadə küçəsi və "20 Yanvar” dairəsi istiqamətində hərəkət edə biləcəklər. O cümlədən, əks istiqamətdə də oradan gələn nəqliyyat vasitələri Sumqayıt, Biləcəri istiqamətinə rahat çıxış əldə edə biləcəklər. Bu da "Şamaxı yolu" və "20 Yanvar” dairəsi adalanan ərazidə sıxlığın aradan qaldırılmasına gətirib çıxaracaq”.(redaktor az)

www.anews.az

Xəbəri bəyəndiniz?

Sosial şəbəkələrdə paylaş