Prezident Münxendə Hakan Fidanla görüşüb

Siyasət

21:52 | 16.02.2024

Prezident Münxendə Hakan Fidanla görüşüb

Fevralın 16-da Münxendə Azərbaycan Prezidenti İlham Əliyev ilə qarşı tərəfin müraciətinə əsasən Türkiyənin xarici işlər naziri Hakan Fidanın görüşü olub.

"Qafqazinfo” xəbər verir ki, Hakan Fidan dövlət başçısını prezident seçkilərində qələbə münasibətilə təbrik edib.

Prezident İlham Əliyev təbrikə görə minnətdarlığını bildirib.

Söhbət zamanı Türkiyə ilə Azərbaycan arasında dostluq və qardaşlıq münasibətlərinin bütün sahələrdə inkişaf etdiyi bir daha vurğulanıb, əməkdaşlığın bundan sonra da genişlənəcəyinə əminlik vurğulanıb.

Görüşdə Azərbaycan-Ermənistan münasibətləri, sülh sazişi ilə bağlı danışıqlar və regional təhlükəsizlik məsələləri müzakirə olunub.

www.anews.az