Prezident: "Putin də deyir ki, Ermənistan Baş naziri onun sözlərinə qulaq asmamışdı"

13:42 | 26.02.2021
"Ermənistan tərəfi ilk gündən mənim sözümə qulaq assaydı, bu dərəcədə alçaldıcı məğlub olmazdı və qurbanların sayı bu qədər olmazdı”.

Yeniavaz.com xəbər verir ki, bunu Prezident İlham Əliyev bu gün keçirdiyi mətbuat konfransında deyib.
 
Dövlət başçısı qeyd edib ki, Ermənistan tərəfi Rusiya Prezidenti Vladimir Putinin də sözlərinə qulaq asmadı:
 
"Müharibə zamanı biz Prezident Putinlə həmişə təmasdaydıq. Ermənistan baş naziri ilə birbaşa təmasımız nə olmayıb, nə də var. Amma Prezident Putin vasitəsilə bir-birimizə müxtəlif mesajlar göndərirdik. Mən yaxşı bilirəm və president Putin də bunu deyir ki, Ermənistan Baş naziri onun sözlərinə də qulaq asmamışdı. Bu, vöziyyəti elə çətinləşdirdi ki, o məcbur oldu ki, hardasa qaranlıq otaqda kapitulyasiya aktı imzalasın. Burada hər şey Ermənistan rəhbərliyinin hansı mövqe tutmasından asılıdır. Bizim siyasətimiz aydındır, biz sülhə yönəlmişik. Bizə müharibə lazım deyil, bu, məcburi bir tədbir idi. Bu tədbir çox uzun, 30 il sürən faydasız vasitədən daha səmərəli idi”.

www.anews.az

Tərəfdaşların xəbərləri

REKLAM