Putin Haaqa məhkəməsinin qərarı ilə onu həbs etməli olduğu ölkəyə ilk dəfə səfər edəcək

Kremlin mətbuat xidməti xəbər verir ki, Monqolustan Prezidenti Uxnaaqin Xurelsuxanın dəvəti ilə Putin Sovet və Monqolustan hərbçilərinin Xalxin Qol çayında yapon üzərində birgə qələbəsinin 85-ci ildönümünə həsr olunmuş təntənəli tədbirlərdə iştirak edəcək.

"The Moscow Times” yazır ki, Putinin Monqolustana səfəri Rusiya prezidentinin 2023-cü ildə Haaqa Beynəlxalq Cinayət Məhkəməsi tərəfindən verilən order əsasında həbs olunacağı gözlənilən ölkəyə ilk səfəri olacaq.

Kreml Ukraynanın işğal olunmuş ərazilərindən uşaqların və insanların "qeyri-qanuni deportasiyası”na görə BCM tərəfindən hərbi cinayətlərdə ittiham olunan Putinin həbs edilməsi ehtimalını rəsmi şəkildə şərh etməyib.


www.anews.az