Qarabağ Universitetində yeni təyinatlar gerçəkləşib.Bu barədə "Qafqazinfo” xəbər verib.
Rektor Şahin Bayramovun müvafiq əmri ilə Ceyhun Məmmədov İqtisadiyyat fakültəsinə dekan, Səbuhi İbayev isə İncəsənət fakültəsinin Vokal kafedrasına müdir təyin olunub.
Bu təyinatadək Səbuhi İbayev Azərbaycan Milli Konservatoriyasının müəllimi, Azərbaycan Dövlət Akademik Opera və Balet Teatrının solisti olub, həmçinin Asəf Zeynallı adına Musiqi Kolleci və Beynəlxalq Muğam Mərkəzində fəaliyyət göstərib.
Ceyhun Məmmədov isə 2016-cı ildən ADA Universitetində iqtisadiyyat sahəsi üzrə müxtəlif fənləri tədris edib.
Bizi sosial şəbəkələrdə izləyin !
