"Hazırda tam hazırlıq işləri gedir. İndidən deyə bilərik ki, əlavə təqaüdlər, yəni həvəsləndirmə təqaüdləri yüksək bal toplamış tələbələrə tətbiq olunacaq. Eyni zamanda yataqxana bütün tələbələr üçün pulsuz təmin ediləcək", - Əmrullayev fevralın 26-da Xocalı soyqırımı ilə bağlı "Ana haray" abidəsini ziyarət edərkən jurnalistlərin suallarına cavab verərkən qeyd edib.

 

Fevralın 15-də Prezidentin ehtiyat fonundan Qarabağ Universitetinə 10 milyon manat vəsait ayrılıb. 

Qarabağ universiteti Xankəndində 1969 -ci il təhsis edilib. Prezidentin fərmanı ilə 2023-cü ilin noyabrın 28-də yenidən yaradılması qərarı verilib.

Noyabrın 30-da Elm və Təhsil naziri Emin Əmrullayev jurnalistlər üçün keçirilən brifinqdə bildirib ki, Xankəndində yerləşən Qarabağ universiteti 2024-cü ilin sentyabrında fəaliyyətə başlayacaq.
 
İlkin mərhələdə universitetdə  800-1000 tələbə təhsil alacaq.
 
Xankəndində həmçinin Qarabağ Universitetində 1 peşə təhsil müəssisəsinin yaradılması planlaşdırılır. 

Sosial Tədqiqatlar Mərkəzinin tələbələr arasında keçirdiyi rəy sorğusuna görə 35,3% tələbə Qarabağ universitetində oxumaq istədiyini bildirib.

 

Aytac Zeynalova