Qarabağ Universitetinin 3 fakültəsinə dekan vakansiyası elan olunub

13:31 | 03.06.2024
Qarabağ Universitetinin 3 fakültəsinə dekan vakansiyası elan olunub

Qarabağ Universitetinin 3 fakültəsinə dekan vakansiyası elan olunub

Qarabağ Universitetində Mühəndislik, İqtisadiyyat və Turizm fakültələrinə dekan vəzifələri üzrə vakansiyalar elan edilib. Bu barədə Elm və Ali Təhsil üzrə Dövlət Agentliyindən çəlumat verilib.
 
Bildirilir ki, tələblərə cavab verən namizədlər müraciətlərini mövzu yerinə "_ (sahəsi üzrə) fakültə dekanı” yazmaqla [email protected] elektron poçt ünvanına göndərə bilərlər.

Vakansiyalar üzrə son müraciət tarixi 15 iyun 2024-cü ildir. Namizədlər ətraflı məlumatla elan vasitəsilə tanış ola bilərlər: https://t.ly/0t4h5
 
Fevralın 15-də Prezidentin ehtiyat fonundan Qarabağ Universitetinə 10 milyon manat vəsait ayrılıb. 

Qarabağ universiteti Xankəndində 1969 -ci il təhsis edilib. Prezidentin fərmanı ilə 2023-cü ilin noyabrın 28-də yenidən yaradılması qərarı verilib.

Noyabrın 30-da Elm və Təhsil naziri Emin Əmrullayev jurnalistlər üçün keçirilən brifinqdə bildirib ki, Xankəndində yerləşən Qarabağ universiteti 2024-cü ilin sentyabrında fəaliyyətə başlayacaq.
 
İlkin mərhələdə universitetdə  800-1000 tələbə təhsil alacaq.
 
Mayın 17-si Elm və Ali Təhsil üzrə Dövlət Agentliyinin direktoru Ülkər Səttarova  Qarabağ Universitetinə bu il üçün əcnəbi tələbə qəbulu nəzərdə tutulmadığını söyləyib.

İlk illərdə Qarabağ Universitetinə qəbul olan tələbələr üçün güzəştlər edilməsi nəzərdə tutulur. 
 
Aytac Zeynalova










www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb