Mina hadisələrinin 36% Qarabağda icazəsi olmayan ərazilərə qanunsuz səfərlərin nəticəsində baş verib. Bunu Minatəmizləmə Agentliyinin İdarə Heyətinin sədri Vüqar Süleymanov deyib.
"Bəzi insanlar icazə almadan hansısa başqa yollarla, o ərazilərə müxtəlif məqsədlərlə daxil olublar. 24%-i kənd təsərrüfatı fəaliyyətinin icrası zamanı baş verib, 21%-i xidməti vəzifələrini yerinə yetərərkən, 19%-i isə infrakstruk işlərini həyata keçirən zaman minaların partlaması hadisəsi baş verib", - Süleymanov 4 Aprel - Beynəlxalq Mina Xəbərdarlığı və Mina Təhlükəsi ilə Mübarizəyə Yardım Gününə həsr olunan mətbuat konfransında deyib.
İkinci Qarabağ Müharibəsindən sonra 350 nəfər mina qurbanı olub.
Hazırda Qarabağda minaların təmizlənməsinə 4 özəl şirkət də cəlb olunub. Bundan əlavə, ANAMA ilə birgə Müdafiə Nazirliyi, Fövqəladə Hallar Nazirliyi, Dövlət Sərhəd Xidməti də ərazilərin təmizlənməsində iştirak edir.
Gülnar Nazimqızı
www.anews.az
Bizi sosial şəbəkələrdə izləyin !