Qarabağda növbəti peşə kurslarına start verilir

 

Peşə kursları ümumilikdə 12 bölgəni əhatə etməklə kənd təsərrüfatı, tikinti, sənaye, xidmət sahələrini əhatə edəcək.

 

Kursların müddəti altı ay davam edəcək. Kurslar nazirlik tərəfindən ödənişsiz həyata keçirilir. 

 

Dövlət Məşğulluq Agentliyi Qarabağa köçən 1500 nəfərin işlə təmin olunduğunu açıqlayıb və bildirib ki, əhalinin ora köçürülməsi davam etdikcə bu say artacaq. 

 

Bundan əvvəl elm və təhsil nazirinin müavini Həsən Həsənov mətbuata açıqlamasında deyib ki, Qarabağda əhalinin köçürülməsi prosesi artıqca oradakı məktəblərdə peşə təmaüllü siniflərin təşkilnə baxılacaq.

 

Noyabrın 28-də  Peşə Təhsili üzrə Dövlət Agentliyinin direktoru Ceyhun Kərəmov açıqlamasında söyləyib ki, 2026-ci ilə qədər Azərbaycanda 16 peşə məktəbi tikiləcək.

Həmin peşə məktəblərinin 8-nin Qarabağda tikilməsi nəzərdə tutulub. 
 
Gülnar Nazimqızı