26 dəfə evlənən Demis Russosun son müsahibəsi - VİDEO

26 yanvar Yunanıstandan gələn seçki xəbərləri ilə yanaşı, daha bir qəmli xəbər gəldi.

Dünya şöhrətli musiqiçi və müğənni Demis Russos 68 yaşında vəfat etdi.

ANS PRESS-in məlumatına görə, Demis Russos bazar günü gecə vəfat etsə də qohumları xəbəri bir gün sonra yayıblar. Onlar bunu ölkə üçün vacib olan seçkilərlə əlaqədar etdiklərini deyib.

Belə məlum olub ki, Demis Russos son müsahibəsini Rusiyanın birinci kanalının "Pust Qovoryat” verilişinə verib.

Hələ o zaman məlum idi ki, Demis Russos səhhəti ilə bağlı problemlər yaşayır. Bununla əlaqədar müashibənin yarısı efirə buraxılmışdı.

Lakin dahi tenor öldükdən sonra "Pervıy kanal” müsahibənin hamısını yayıb.

Bu günə kimi çox danışmaqdansa oxumağı üstün tutan tenor, bu dəfə sanki son müsahibəsi olduğunu hiss edərək hər şeyi danışıb. Denis Russosun rus qızlarına düyduğu məxsusi məhəbbət, 26 dəfə evlənməsi və 2 uşağı olduğunu dəqiq bildiyini, digərlərindən xəbəri olmadığını deməsi, aldığı mükafatların sayını bilməməsi, lakin albonun 60 milyon satılması barədə məlumatlar müsahibənin maraqlı məqamlardandır.

Həmin maraqlı müsahibəni sizə təqdim edirik.