Qənirə Paşayevanın səhhəti stabil ağır olaraq qalır - Yenilənib

10:41 | 25.09.2023
Qənirə Paşayevanın səhhəti stabil ağır olaraq qalır - Yenilənib

Qənirə Paşayevanın səhhəti stabil ağır olaraq qalır - Yenilənib

Deputat Qənirə Paşayevanın səhhətində heç bir dəyişiklik yoxdur, vəziyyəti stabil ağır olaraq qalır. Bu barədə onun yaxınları mətbuata açıqlamasında deyib. 

17:08

Qənirə Paşayeva hazırda reanimasiya şöbəsindədir vəona  bütün lazımi tibbi xidmətlər göstərilir. 

Bu barədə Mərkəzi Klinikanın baş həkimi Kamran Musayev bildirib.
 
Onun sözlərinə görə, bütün ixtisas həkimləri müalicə işinə cəlb olunub:
"Əlimizdə mövcud olan bütün tibbi imkanların hamısından istifadə olunur. Qənirə xanımın müalicəsi üçün Türkiyədə olan həmkarlarımızla daimi əlaqədəyik və konsultasiyalar aparırıq. Müalicə davam edir. Qeyd edim ki, Qənirə xanımın vəziyyəti hazırda çox ağırdır”.

Deputat sentyabrın 23-də səhər saatlarında ağır şok vəziyyətində Mərkəzi Klinikanın təcili yardım şöbəsinə müraciət edib.

14:16
 
Mərkəzi Klinik Xəstəxanaya yerləşdirilən millət vəkili Qənirə Paşayevanın müalicəsi ilə bağlı bütün zəruri tədbirlər görülür.

Bu barədə millət vəkilinin qardaşı Hüseyn Paşayev "Qafqazinfo”ya bildirib.

Onun sözlərinə görə, Heydər Əliyev Fondunun prezidenti Mehriban Əliyevanın tapşırığına əsasən, millət vəkilinin müalicəsi ilə bağlı məsələlər Fond tərəfindən nəzarətə götürülüb.

"Bu gün səhər saatlarında Azərbaycan Prezidentinin köməkçisi Anar Ələkbərov xəstəxanada olub. Heydər Əliyev Fondunun əməkdaşları xəstəxana ilə müntəzəm əlaqədədir və millət vəkilinin müalicəsi üzrə bütün zəruri dəstək və tədbirlər görülür”, - Hüseyn Paşayev bildirib. 
 
11:47
 
Millət vəkili Qənirə Paşayeva komaya düşüb. 

Bu barədə RTV- yə onun yaxınları məlumat verib.
 
Millət vəkili dərhal xəstəxanaya yerləşdirilib. Lakin onun səhhəti barəsində heç bir məlumat əldə etmək mümkün olmayıb.

Qənirə Paşayeva 1975-ci il martın 24-də Tovuz rayonunun Düz Qırıqlı kəndində anadan olub. Azərbaycan Dövlət Tibb Universitetinin pediatriya fakültəsini və Bakı Dövlət Universitetinin beynəlxalq hüquq fakültəsini bitirib.  Azərbaycan Respublikası III, IV, V və VI çağırış Milli Məclisinin deputatıdır. Milli Məclisin Mədəniyyət komitəsinin sədridir.

Sentyabrın 23-ü saat 03:01 radələrində TƏBİB-in tabeliyindəki Abşeron Rayon Mərkəzi Xəstəxanasının Təcili və Təxirəsalınmaz Tibbi Yardım Stansiyasına Paşayeva Qənirə Ələsgər qızı üçün çağırış daxil olub.

Bu barədə qurumun İctimaiyyətlə əlaqələr və marketinq departamentinin rəhbəri Zamirə Ədilova deyib.

Onun sözlərinə görə, briqada qısa müddətdə çağırış ünvanına çatıb, zəruri ilkin yardım göstərilib.

Qənirə Paşayevaya naməlum mənşəli hipotonik vəziyyət diaqnozu qoyulub. Müayinə zamanı göstəriciləri - arterial təzyiq 50/0 mm. c. süt, nəbz 1 dəqiqə 47 vurğu, SPO2 (saturasiya) 82% olub. İlkin müdaxilələrdən sonra göstəriciləri arterial təzyiq 110/60 mm. c.süt., nəbz 1 dəqiqədə 68 vurğu, SPO2 (saturasiya) 97% olub.

Həkimlər tərəfindən Qənirə Paşayevanın xəstəxana şəraitində müalicəsi məsləhət görülüb. Ailə üzvlərinin istəyi ilə təcili tibbi yardım briqadası tərəfindən millət vəkili Mərkəzi Klinik Xəstəxanaya təxliyə olunub".

www.anews.az
0
Bizi sosial şəbəkələrdə izləyin !

REKLAM