BMT İnkişaf Proqramının Fələstin Əhalisinə Yardım Proqramının xüsusi nümayəndəsinin müavini Çitose Noquçi Cenevrədə keçirdiyi brifinqdə deyib ki, Qəzza 70 il əvvəl, 1955-ci ildə olduğu inkişaf səviyyəsinə qayıdıb.
Anadolu-nun dərc etdiyi hesabata görə, son bir ildə Qəzzada hər dörd nəfərdən üçü yoxsulluq içində yaşayır.
Qeyd olunur ki, 2023-cü il oktyabrın 7-dən başlayaraq Qəzzada yaxın tarixin ən böyük humanitar fəlakətlərindən biri baş verir. Mövcud vəziyyət misli görünməmiş sayda insan tələfatı, dağıntılar, ərzaq çatışmazlığı və kütləvi köçkünlərlə nəticələnib.
İsrailin Qəzza zolağında yardım paylanmasına sərt məhdudiyyətlər qoyması böhranı daha da pisləşdirib.
BMT xəbərdarlıq edib ki, baş verənlər bütün fələstinlilərin gələcəyi üçün təhlükə yaradır.
Aytac
www.anews.az
Bizi sosial şəbəkələrdə izləyin !
