Qəzza zolağında ölənlərin sayı 11 min 180-ə yüksəlib. Bu barədə Qəzza zolağında hökumətin mediya ofisindən açıqlama verilib.

 

İsrail mətbuatı məlumat yayaraq ölənlərin sayının 1200-ü keçdiyini qeyd edib.

 

İsrail Müdafiə Qüvvələri Qəzza zolağının şimalında gedən döyüşlərdə daha iki əsgərin öldüyünü, bununla da Fələstinin HƏMAS radikal qruplaşmasına qarşı quru əməliyyatında həlak olan əsgərlərin ümumi sayının 44-ə çatdığını bildirib.

BMT-nin Humanitar Məsələlərin Əlaqələndirilməsi İdarəsi Fələstin anklavının Səhiyyə Nazirliyinə istinadən bildirib ki, Qəzzada ölən fələstinlilərin sayı 11078 nəfərə çatıb, onlardan 4506-sı uşaq, 3027-si qadındır.

Fələstin Səhiyyə Nazirliyinin verdiyi məlumatına əsasən, daha 2700 nəfər, o cümlədən 1500 uşaq hələ də itkin düşüb, 27 490 fələstinli yaralanıb.

 

Bundan öncə İsrail ordusu Qəzza zolağında baş verən qarşıdurmalarda 17 israil əsgəri həlak olduğunu açıqlayıb.
 
Qəssam Briqadaları "Telegram” səhifəsində açıqlama verərək Qəzzanın şimal-qərbində iki İsrail hərbi maşınının "Yasin-105” tank əleyhinə raketlərlə məhv edildiyi iddia ediblər.
 
İsrail Ordu Sözçüsü açıqlama verərək Qəzzada həyata keçirilən hücumlarda 1400-dən çox israilli öldüyünü deyib.

"317 əsgər də daxil olmaqla 1400-dən çox israilli ölüb, 5132 nəfər isə yaralanıb. Qəzzada Əl-Qəssam Briqadalarının əlində 240 israilli məhbus var", - sözçü qeyd edib.
 
Qəzzadakı Fələstin Səhiyyə Nazirliyi İsrailin hücumları nəticəsində 3542-si uşaq və 2187-si qadın olmaqla 8525 fələstinlinin həlak olduğunu, 21643 nəfərin isə yaralandığını bildirib.
 
Fələstin Jurnalistlər Birliyi "Facebook” səhifəsində Qəzza zolağında İsrailin hücumları nəticəsində həyatını itirən media mənsublarının sayı 38-ə yüksəldiyini deyib.