Qırğızıstan parlamentinin sədri Azərbaycana rəsmi səfərə gələcək

16:29 | 03.06.2024
Qırğızıstan parlamentinin sədri Azərbaycana rəsmi səfərə gələcək

Qırğızıstan parlamentinin sədri Azərbaycana rəsmi səfərə gələcək

Qırğızıstan parlamentinin sədri Nurlanbek Şakiyev Azərbaycana rəsmi səfərə gələcək. Bu barədə Qırğızıstan parlamenti məlumat yayıb

Səfər çərçivəsində Nurlanbek Şakiyev Milli Məclisin sədri Sahibə Qafarova ilə görüşəcək, ikitərəfli əməkdaşlığın genişləndirilməsi ilə bağlı danışıqlar aparacaq.

Parlament nümayəndə heyətinin tərkibinə deputatlar Saidbek Zulpuyev, Çolpon Sultanbekova, Nurjiqit Kadırbekov, Ulanbek Bakasov, Taalaybek Sarıbaşov, Dastanbek Cumabekov, Kubanıçbek Samakov, Mirlan Samıykojo və Parlament Aparatının rəhbəri Alaybek Alımbayev də daxildir.
 
Azərbaycanla Qırğızıstan arasında diplomatik münasibətlər 1993-cü il yanvarın 19-da qurulub. Ulu Öndər 1995-ci ilin avqustunda Türkdilli Dövlət Başçılarının III Zirvə Görüşü və "Manas” eposunun 1000 illiyinə həsr olunmuş tədbirlərdə iştirak etmək üçün ilk dəfə Qırğızıstana səfər edib.

2007-ci ildə Azərbaycanın Qırğızıstanda səfirliyi, 2008-ci ildə Qırğızıstanın Bakıda səfirliyi fəaliyyətə başlayıb.

Hazırda iki ölkə arasında əlaqələr strateji tərəfdaşlıq səviyyəsinə yüksəlib. 2022-ci il aprelin 20-də Qırğızıstan Prezidenti Sadır Japarovun ölkəmizə rəsmi səfəri zamanı "Azərbaycan Respublikası və Qırğız Respublikası arasında Strateji Tərəfdaşlıq haqqında Bəyannamə” imzalanıb.

Səfər çərçivəsində mətbuata bəyanatla çıxış edən Qırğız Respublikasının Prezidenti Sadır Japarov demişdi: "Bizim hədəfimiz beynəlxalq məkanlarda fəal qarşılıqlı əlaqə, siyasi dialoqun möhkəmlənməsi, daha sıx iqtisadi əlaqələr yaradılması və inkişaf etdirilməsi, iri investisiya layihələrinin birgə həyata keçirilməsi, habelə humanitar əməkdaşlığın daha da genişləndirilməsidir. Əlbəttə, bu, etibarlı təməl, xalqlarımız arasında dərin tarixi və mənəvi əlaqələr olmadan mümkün olmazdı”.


Aytac Zeynalova


www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb