Qırğızıstan - Tacikistan sərhədində atışma olub

Tacikistan sakinləri ilə qırğız sərhədçiləri arasında atışma baş verib.
Məlumata görə, Qırğızıstanın sərhəd naryadı dövlət sərhəd xəttindən 250-300 metr aralıda Qırğızıstan ərazisində mal-qara otaran Tacikistan vətəndaşlarını - çobanları müşahidə edib. Tacikistan vətəndaşları sərhədçilərin Qırğızıstan ərazisini tərk etmək tələblərinə məhəl qoymayıb, üstəlik, hərbçilərə daş atmağa başlayıblar. Çobanlardan biri isə Qırğızıstan sərhədçisinə tərəf iki-üç atəş açıb. Vəziyyətin gərginləşməsinin qarşısını almaq üçün Qırğız Respublikasının sərhədçiləri havaya xəbərdarlıq atəşi açıb, bundan sonra çobanlar Tacikistan ərazisinə qaçıblar.
İlkin məlumata görə, insident zamanı Tacikistan vətəndaşlarından biri ayağından yaralanıb.


www.anews.az