Qondarma Dağlıq Qarabağ respublikasının "prezidenti" Samvel Şahramanyan qondarma rejimin 2024-cü il yanvarın 1-dən buraxılması barədə qərar verib. Bu barədə Ermənistan mətbuatı xəbər verib.
Bildirilib ki, bütün "dövlət qurumları" və "təşkilatları" fəaliyyətini dayandırır.
"2024-cü il yanvarın 1-dək onların idarə tabeliyində olan bütün dövlət qurumları və təşkilatları ləğv edilsin və "Artsax" Respublikası öz fəaliyyətini dayandırsın. "Dağlıq Qarabağ"ın əhalisi, o cümlədən respublikadan kənarda yaşayan əhali bu "fərman" qüvvəyə mindikdən sonra müstəqil və fərdi qaydada qərar qəbul etmək üçün Azərbaycan Respublikasının təqdim etdiyi reinteqrasiya şərtləri ilə tanış olsun", - məlumatda deyilir.
Sentyabrın 28-də separatçı rejimin "preizndet müşaviri" Davit Babayan da facebook hesabında Azərbaycana təslim olmaq üçün Şuşaya getdiyini açıqlayıb.
Sentyabrın 27-də Dövlət Sərhəd Xidmətinin əməkdaşları qondarma rejimin keçmiş "dövlət naziri" Ruben Vardaryanı Laçında saxlayaraq Bakıya aidiyatı qurumlara təhvil verilməsi üçün yola salıb.
Sentyabrın 27-də Azərbaycan Prezidentinin köməkçisi Hikmət Hacıyev «DW» nəşrinə açıqlamasında Azərbaycanın heç kimi Qarabağı tərk etməyə məcbur etmədiyini, Qarabağı tərk etməyin sakinlərin şəxsi və fərdi qərarları olduğunu bildirib.
Sentyabrın 23-də Daxili İşlər Nazirliyinin mətbuat xidmətinin rəisi, polis polkovnik-leytenantı Elşad Hacıyev jurnalistlərə açıqlamasında Qarabağda yaşayan erməniəsilli sakinlərin Azərbaycan Respublikasının Konstitusiyasına uyğun olaraq vətəndaşlıq məsələlərinə baxılması, onların pasportlaşdırılması, şəxsiyyət vəsiqələri ilə təmin edilməsi işinin diqqətdə saxlandığını deyib.
Sentyabrın 19-da Bakı lokal antiterror tədbirlərinə başladığını elan edib və erməni hərbçilərinin bölgədən çıxarılmasını tələb edib. İrəvan Qarabağda erməni silahlı qüvvələrinin olmadığını bəyan edib və baş verənləri "genişmiqyaslı təcavüz” adlandırıb. Sentyabrın 20-də hərbi əməliyyatların dayandırılması barədə razılıq əldə olundu və ertəsi gün Azərbaycanın Yevlaxda Bakı və Qarabağın erməni əhalisinin nümayəndələrinin "reinteqrasiya məsələlərini müzakirə etmək üçün” görüşü keçirilib.
Sentyabrın 23-də Daxili İşlər Nazirliyinin mətbuat xidmətinin rəisi, polis polkovnik-leytenantı Elşad Hacıyev jurnalistlərə açıqlamasında Qarabağda yaşayan erməniəsilli sakinlərin Azərbaycan Respublikasının Konstitusiyasına uyğun olaraq vətəndaşlıq məsələlərinə baxılması, onların pasportlaşdırılması, şəxsiyyət vəsiqələri ilə təmin edilməsi işinin diqqətdə saxlandığını deyib.
Sentyabrın 19-da Bakı lokal antiterror tədbirlərinə başladığını elan edib və erməni hərbçilərinin bölgədən çıxarılmasını tələb edib. İrəvan Qarabağda erməni silahlı qüvvələrinin olmadığını bəyan edib və baş verənləri "genişmiqyaslı təcavüz” adlandırıb. Sentyabrın 20-də hərbi əməliyyatların dayandırılması barədə razılıq əldə olundu və ertəsi gün Azərbaycanın Yevlaxda Bakı və Qarabağın erməni əhalisinin nümayəndələrinin "reinteqrasiya məsələlərini müzakirə etmək üçün” görüşü keçirilib.
Gülnar Nazimqızı
www.anews.az
Bizi sosial şəbəkələrdə izləyin !
