İranda ötən sutka ərzində 123 nəfər koronavirusdan (COVID 19) ölüb. Bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.
S.Sadat Larinin sözlərinə görə, bununla da İranda bu virusdan ölənlərin sayı 62 999 nəfərə çatıb.
Nazirlik rəsmisi deyib ki, İranda ötən 24 saat ərzində 11 420 nəfər koronavirusa yoluxub. Beləliklə İranda bu virusa yoluxanların sayı 1 920 394 nəfərə yüksəlib. Virus daşıyıcılarından 4 024 nəfərin vəziyyəti ağır qiymətləndirilir.
Ölkədə indiyədək 1 642 418 nəfər koronavirusdan sağalıb. 13 milyondan çox diaqnoz testi həyata keçirilib.
www.anews.az
Bizi sosial şəbəkələrdə izləyin !