Ermənistan, Rusiya və Azərbaycan hökumət başçılarının müavinlərinin Moskvadakı görüşündə nəqliyyat kommunikasiyalarının açılması məsələsi müzakirə ediləcək.
Bu barədə Ermənistan Baş nazirinin müavini Mher Qriqoryan Yerablur panteonunda jurnalistlərə açıqlamasında bildirib.
Onun sözlərinə görə, görüşdə Azərbaycan, Rusiya və Ermənistan tərəfindən 11 yanvarda qəbul edilmiş birgə bəyanatın müzakirəsi planlaşdırılır.
"Detallı gündəliyi formalaşdırmaq üçün iclas keçirilməsinə ehtiyac var. Hazırkı anda məlum olan tək məsələ bəyanatın 4-cü maddəsinin müzakirə olunacağıdır”,- deyə Qriqoryan qeyd edib.
Sözügedən maddə Azərbaycanla Ermənistan arasında rabitə və nəqliyyat infrastrukturlarının bərpasına aiddir.
www.anews.az
Bizi sosial şəbəkələrdə izləyin !