Quba rayonunda yanğın baş verib.
APA TV-nin şimal bürosunun verdiyi məlumata görə, yanğın rayonun Qaraçay kəndi ərazisində qeydə alınıb.
Kənd sakininə məxsus fabrikin ərazisində sahəsi 250 kvadratmetr olan 3 tikilinin dam örtüyü, fabrikin ərazisində 6 hektar biçilmiş taxıl sahəsi və bələdiyəyə məxsus ərazidə 4 hektar biçilmiş taxıl sahəsi yanıb.
Yanğının söndürülməsi üçün Quba ilə yanaşı, Xaçmaz və Şabran rayonlarının Dövlət Yanğından Mühafizə Hissələrinin yanğınsöndürən maşınları və canlı qüvvəsi cəlb olunub.
Fabrikin digər 3 binası və ərazidə olan 8 yaşayış evi yanğından mühafizə olunub. 6 saat davam edən yanğın söndürülüb.
ANN.Az
Bizi sosial şəbəkələrdə izləyin !