2013/2014 mövsümündə İspaniya çempionu olan "Atletiko" ilk transferini edib.

Qol.Az-ın klubun saytına istinadən verdiyi məlumata görə, Madrid təmsilçisi "San Laronso"nun 19  yaşlı hücumçusu Anxel Korreanı heyətinə qatıb.  Futbolçu tibbi müayinədən keçdikdən sonra onunla beş illik rəsmi müqavilə imzalanacaq. Bu transfer üçün "Atletiko"nun 7.5 milyon avro təzminat ödəyəcəyi bildirilir.

Qeyd edək ki, A.Korrea "San Lorenso"da oynadığı üç mövsümdə 58 matçda iştirak edib və 12 qol vurub.

ANN.Az