Portuqaliya millisinin baş məşqçisi Paulo Bentu "Beşiktaş"ın futbolçusu Manuel Fernandesin yığmaya çağırılmamasına aydınlıq gətirib.Qol.Az-ın məlumatına görə, təcrübəli mütəxəssis bunu Fernandesin özünün milli komandada oynamaq istəməməsi ilə izah edib."Fernandes Portuqaliya millisində oynamağı özü istəmədi. "DÇ-2014"ün seçmə mərhələsi çərçivəsində İsrail və Azərbaycanla oyunlar öncəsi Fernandeslə görüşmək üçün Türkiyəyə getdim. Ancaq onunla görüşə bilmədim. Hesab edirəm ki, o mənimlə görüşmək istəmədi. Bununla da, Fernandes milli komandada oynamaq şansını itirdi və yığmaya bir daha çağırılmadı".Qeyd edək ki, Fernandes Portuqaliya milli komandasının formasını sonuncu dəfə 2012-ci ilin fevral ayında Polşa ilə oyunda geyinib.   ANN.Az