"BMT Suriyaya dair sadəcə bəyanat səsləndirir"

ABŞ dövlət katibi Con Kerri Suriyada hər gün onlarla insanın ölümünə səbəb olan döyüşlərə münasibətində bu cür açıqlama verib"Birləşmiş Millətlər Təşkilatının Suriyadakı vəziyyətlə bağlı bəyanatından sonra bu ölkədə yaşananlar hər gün daha da dramatik xarakter alır. BMT rəsmilərinin bəzi ölkələrin müxalif mövqeyinə görə vəziyyətlə əlaqədar gördüyü yeganə tədbir isə bəyanat səsləndirməkdən ibarət oldu".Amerika Birləşmiş Ştatlarının dövlət katibi Con Kerri Suriyada hər gün onlarla insanın ölümünə səbəb olan döyüşlərə münasibətində bu cür açıqlama verib. Çinin paytaxtı Pekində çıxışı zamanı Kerri bütün dünya ictimaiyyətinə müraciət edərək insanları Suriyadakı acınacaqlı vəziyyətə qarşı tədbirlər görməyə çağırıb."Dünya ictimaiyyəti ayağa qalxmalı və hər gün zorakılıqların qurbanı olan insanlara tərəfdar çıxmalıdır. Döyüşlər bir tərəfdən, aclıq və əsarət isə digər bir tərəfdən mülki vətəndaşları çıxılmaz vəziyyətə salıb".İsveçrənin Cenevrə şəhərində davam edən sülh danışıqlarının bu dəfəki, mərhələsi də uğurlu nəticələr doğurmayıb. Suriyanın müxalifət təmsilçisi olan Milli Şura hazırkı hökumət nümayəndələri ilə danışıqların çıxılmaz vəziyyətə düşdüyünü bildirib.Bu arada, Dəraa vilayətində hökumət qüvvələrinin üsyançılara qarşı hava əməliyyatları zamanı Yədudə kəndi barel bombalarının hədəfi olub. Aviazərbələr nəticəsində 30-a yaxın insan ölüb.Homs şəhərində isə, insanların təxliyəsi prosesi ötən gün də davam edib. Məcburi köçkünlər BMT nümayəndələrinin təşəbbüsü ilə daha təhlükəsiz yerlərdə yerləşdirilib, ərzaq və tibbi vasitələrlə təmin ediliblər. Məlumata görə, ümumilikdə, ölkədə 250 minə yaxın insan döyüşlərin əsasrətində qalıb. ANN.Az