Yaponiyada "Fukusima-1" atom-elektrik stansiyasında növbəti dəfə nasazlıq baş verib. ANS PRESS-in məlumatına görə, bu dəfə stansiyada suyu radioaktiv elementlərdən təmizləyən iki sistemdən birinin işi dayanıb. Bu barədə atom-elektrik stansiyasının operatoru "TEPKO" şirkəti açıqlama verib. Qəza siqnalizasiya sistemi işə düşdükdən sonra test rejimində çalışan təmizləmə sisteminin avtomatik olaraq sönməsi baş verib. Bu, son 1 il ərzində "Fukusima-1" atom-elektrik stansiyasında həmin sistemin 6-cı dəfə avtomatik sönməsi halıdır. 2011-ci ilin martında baş verən qəzadan bəri "Fukusima-1" atom-elektrik stansiyasına yüksəkradioaktivliyi olan su yığılmağa davam edir. Həmin suyun təmizlənməsi qəzanın nəticələrinin aradan qaldırılmasında əsas problemlərdən biridir. Suyun radiasiyadan təmizlənməsi sisteminin tam işə salınması isə bu ilin aprelinə planlaşdırılır.ANN.Az