"Apple" şirkətinin yeni dizayn edilmiş telefon markası "iPhone Air" bir müddətdən sonra satışa çıxarıla bilər. Digər konseptlərdən fərqli olaraq, yeni telefon daha ağıllı və funksiyalıdır. 

ANN.Az-ın xarici mətbuata istinadən verdiyi xəbərə görə, "iPhone Air" adlı telefon markasını Sem Bekket dizayn edib. Bekketin dizaynı "iPhone 5" və "5s"dən çox da fərqlənmir, onların yanlardan, qabaq və arxa tərəfdən görünüşləri eynidir. Ancaq "iPhone Air"in fərqi ondan ibarətdir ki, o daha nazik (0.6 mm), ekranı 4.7 düyüm daha genişdir, bu isə telefonun ümumi həcmini 8 faiz daha artıq olmasına səbəb olub ("iPhone 5s"in ekran həcmi 4.0 düymdür).

Dizaynerlərin fikrincə? "iPhone Air" adı "Apple" firmasının "iPhone" adı ilə buraxdığı trenddə yenilik olacaq və o, fərqliliyini qoruyub saxlayacaq. 

Mütəxəssislər növbəti "iPhone"nun bu payızda satışa çıxarılacağını güman edirlər.

ANN.Az