İspaniyanın "Real Madrid" klubu ərəblərlə əldə etdiyi razılaşmaya əsasən 1908-ci ildən bəri istifadə etdiyi 106 illik klubun emblemində xaç işarəsini aradan qaldırmaq məcburiyyətində qalıb.ANN.Az dünya mətbuatına istinadən xəbər verir ki, bu maraqlı razılaşma "Real Madrid"lə Birləşmiş Ərəb Əmirliklərində olan Milli Abu Dabi Bankı arasında baş tutub. Bank ilə imzalanan müqavilədə "Real Madrid" azarkeşi olan ərəb futbolsevərlər üçün klubun emblemini daşıyan kredit kartları çıxarılması qərarı verilib. Ancaq Bank rəhbərliyi Madrid klubunun emblemində xaç işarəsi olduğunu vurğulayaraq bunun müsəlmanlar tərəfindən yaxşı qarşılanmayacağını xatırladıb.Bundan sonra klub prezidenti Florentino Perez razılaşmadan əldə edəcəyi qazancı qaçırmamaq üçün bir ortaq məxrəc tapıb. Perez "Real Madrid"in 106 illik rəsmi emblemini yalnız Birləşmiş Ərəb Əmrliklərində etibarlı olmaqla xaç işarəsinin aradan qaldırılmasına qərar verib. Bu hal azarkeşlər tərəfindən narazılıqla qarşılanıb, xeyli tənqidlər səslənib.ANN.Az