Şərif Ağayar qəzaya uğradı
13.11.2015 09:12
Düzgün olmayan ötmə əməliyyatı qəzaya səbəb oldu.
Dünən axşam saatlarında paytaxtın Xətai rayonu ərazisində, Nəcəfqulu Rəfiyev küçəsində iki minik avtomobilinin iştirakı ilə yol nəqliyyat hadisəsi baş verib.
Qəza, yazıçı Şərif Ağayar kimi tanınan Ağayarov Şərif Ziyadxan oğlu idarə etdiyi "Mercedes” markalı avtomobillə geriyə dönmək istəyərkən baş verib. Yazar avtomobillə geriyə dönərkən arxadan gələn Mirzəyev İdris Muxtar oğlunun idarə etdiyi "Mitsubishi” markalı pikap avtomobili Mercedesə çırpılıb.
Qəza zamanı xəsarət alan olmasa da, "Mercedes”ə ziyan dəyib.
Hadisə yerinə dövlət yol polisi əməkdaşları cəlb olunub. İlkin müayinələr zamanı qəzanın pikapın sürücüsünün ötmə əməliyyatını düzgün yerinə yetirməməsi səbəbindən baş verdiyi məlum olub.
Faktla bağlı araşdırma davam edir.
www.ann.az
Foto 
Video 
