"MTN işi"ndən dedektiv roman yazılacaq

Bunu Modern.az saytına açıqlamasında tanınmış dedektiv-yazar Elxan Elatlı bildirib. Qeyd edək ki, dünya dedektiv ədəbiyyatının ənənələrindən biri də yazıçının aid olduğu cəmiyyətin, eləcə də bütün dünyanın siyasi-sosial gündəmini əks etdirməkdir. Romanlarının bir çoxunda güc orqanlarından, Qarabağ hadisələrindən bəhs edən tanınmış dedktiv yazar Elxan Elatlı son zamanlar bütün gündəmi zəbt edən Milli Təhlükəsizlik Nazirliyi ətraflı yaşanan  hadisələrdən romanında bəhs edəcəyini deyib:

"Heç kim istəməzdi ki, belə bir şeylər olsun. İnsanı təəccübləndirən bir məsələdir və  mənim yazılarımda təsirsiz ötüşməyəcək. Siz də bunu hiss edəcəksiniz. Ən çox da onların sahibkarlarla davranışlarına gələcək romanımda bəhs edəcəyəm”.

Sabir maliyyə naziri Əvəz Ələkbərov bir müddət öncə Modern.az-a açıqlmasında məşhur yazıçı Çingiz Abdullayevə "MTN işi"ndən yeni dedektiv roman yazmağı tövsiyə etmişdi. Belə görünür ki, Elxan Elatlı Çingiz Abdullayevi qabaqlayacaq.

Qeyd edək ki, Eldar Mahmudovun milli təhlükəsizlik naziri vəzifəsindən uzqlaşdırılması ilə güc qurumunda çox ciddi qanunsuzluqlar aşkarlanıb. Milli Təhlükəsizlik Nazirliyinin bir sıra yüksək rütbəli əməkdaşları həbs olunub, bəziləri isə vəzifəsindən uzaqlaşdırılıb.