ABŞ-ın vitse-prezidenti Obamanın ona pul təklif etməsindən danışdı

Modern.az xarici KİV-ə istinadən xəbər verir ki, oğlunun müalicə pulunu ödəmək üçün evini satmağı düşündüyünü deyən Bayden Obamanın ona hərtərəfli dəstək olduğunu deyib.

"Mən narahat idim ki, Bo vəzifəsindən istefa verərsə, onun müalicə üçün şəxsi vəsaitlərti çatmaz. Lakin mən ona yardım edəcəyimi dedim. Cill (Baydenin həyat yoldaşı) və mən evi satacağıq və hər şey yaxşı olacaq. Obama isə qalxaraq dedi: "Evi satma. Söz ver ki, evi satmayacaqsan. Mən sənə pul verəcəm. Nə qədər lazımdı”.

Co Bayden Barak Obama ilə ailəvi dost olduqlarını deyib.

Xatırladaq ki, Co Baydenin oğlu Cozef Bo Bayden 2015-ci il mayın 30-da 46 yaşında beyin xərçəngindən vəfat etmişdi.