Putinin ABŞ-da keçiriləcək nüvə sammitinə getməməsinin səbəbi açıqlandı
30.03.2016 17:52
Rusiya prezidentinin ABŞ-da keçiriləcək nüvə sammitinə getməməsinin səbəbi açıqlanıb
Moskva. Fərid Əkbərov - APA. Kreml prezident Vladimir Putinin ABŞ-da keçiriləcək nüvə sammitinə getməməsinin səbəbini açıqlayıb.
APA-nın Moskva müxbirinin verdiyi məlumata görə, Rusiya prezidentinin mətbuat katibi Dmitri Peskov bildirib ki, buna səbəb sammitə hazırlıq çərçivəsində müəyyən qarşılıqlı fəaliyyət çatışmazlığıdır.
"Bununla yanaşı, Moskva hesab edir ki, nüvə təhlükəsizliyi məsələsi ümumi və birgə səylər, maraqlar və mövqelərin qarşılıqlı nəzərə alınmasını tələb edir", -deyə o qeyd edib.
Qeyd edək ki, Nüvə Təhlükəsizliyi Sammiti 31 mart-1 aprel tarixlərində Vaşinqtonda keçiriləcək. Sammitdə 50-dən çox ölkənin prezidenti iştirak edəcək. Sammitdə əsas müzakirə mövzusu nüvə terrorçuluğuna qarşı mübarizə olacaq.
www.ann.az
Oxşar xəbərlər
Oxşar xəbərlər
Foto 
Video 
