Bu ölkələr "Avro-2024"ə namizəddir

Futbol üzrə 2024-cü ildə təşkil olunacaq Avropa çempionatının oyunları Skandinaviya yarımadasında keçirilə bilər.

Qol.az-ın xarici KİV-lərə istinadən verdiyi məlumata görə, Danimarka, İsveç, Norveç və Finlandiya ölkələri "Avro-2024"ə birgə təşkilatçılıq üçün ərizə verməyə hazırlaşır.

Danimarka Futbol Federasiyasının prezidenti Yesper Moeller xəbəri təsdiqləyib. Federasiya rəsmisi bildirib ki, Skandinaviya ölkələri "Avro-2024"ün ev sahibliyi hüququna yiyələnəcəyi təqdirdə bəzi oyunlar İslandiya və Farer adalarında da keçiriləcək.

Qeyd edək ki, "Avro-2020"nin oyunları qitənin 13 şəhərində keçiriləcək ki, bunların sırasında paytaxtımız Bakı da var.

www.ann.az