Ərdoğan Məhəmməd Əlinin dəfn mərasiminə qatılacaq

Türkiyə prezidenti Rəcəp Tayyip Ərdoğan, boksun əfsanəsi  Məhəmməd Əlinin dəfn mərasiminə qatılmaq üçün ABŞ-a gedecək.

Oxu.Az xəbər verir ki, Türkiyənin "Milliyyət” qəzetinin məlumatına görə Ərdoğan,  Məhamməd Əlinin dəfn mərasimində  iştirak etmek üçün çərşənbə günü gecəi yola çıxacaq.

Əfsanəvi boksçu Məhəmməd Əli ABŞ-ın Kentukki ştatının Luisvil şəhərində iyunun 10-da dəfn olunacaq.

Məlumata görə, dəfn mərasimi boksçu ilə vidalaşmaq istəyən hər  kəs üçün açıq olacaq.

Məhəmməd Əli  iyunun 3 də 74 yaşında Finiks (ABŞ) xəstəxanalarının birində dünyasını dəyişib. İdmançı 1984-cü ildən Parkinson xəstəliyindən əziyyət çəkirdi.