Kerridən Qarabağla bağlı çağırış
29.05.2020 03:55
ABŞ-ın dövlət katibi Con Kerri cümə axşamı Ermənistan və Azərbaycan prezidentləri Serj Sarqsyan və İlham Əliyevlə ayrı-ayrılıqda telefon söhbətləri zamanı tərəfləri son vaxtlar, əsasən barışığa əməl olunduğu Dağlaq Qarabağ regionunda "gərginlikdən yayınmağ"a çağırıb.
"Report" RİA "Novosti"yə istinadən xəbər verir ki, bu barədə Dövlət Departamentinin məlumatında bildirilir.
"O (Kerri), son həftələr Dağlıq Qarabağda qoşunların təmas xəttində barışığa əhəmiyyətli dərəcədə əməl olunmasını müsbət hal kimi qeyd edib və prezidentləri sülh prosesini irəlilətmək üçün gərginlikdən yayınmağa çağırıb", — deyə idarənin məlumatında qeyd olunur.
Dövlət katibi, həmçinin Birləşmiş Ştatların münaqişənin hərtərəfli nizamlanmasına yardım etməyə hazır olduğunu bildirib və liderləri ATƏT-in Minsk qrupunun himayəsi altında dialoqu davam etdirməyə çağırıb.
www.ann.az
Oxşar xəbərlər
Oxşar xəbərlər
Foto 
Video 
