Putinlə Sarkisian məhz Dağlıq Qarabağ münaqişəsini müzakirə edəcəklər

Ermənistan prezidenti Serzh Sarkisian avqustun 10-da Moskvaya səfərə yollanıb.

Ermənistan prezidentinin ofisindən verilən məlumata görə, görüşdə siyasi, ticarət, iqtisadi və hümanitar sahələr, habelə Avrasiya məkanına inteqrasiya məsələsi də daxil olmaqla strateji tərəfdaş olan iki ölkə arasında qarşılıqlı hərəkət müzakirə olunacaq.

Məlumatda bildirilir ki, Serzh Sarkisianla Vladimir Putin beynəlxalq və regional problemləri də müzakirə edəcəklər.

Ermənistan və Rusiya prezidentlərinin ofisləriyaydıqları məlumatlarda Dağlıq Qarabağ probleminə toxunmurlar.

Amma RİA-Novosti bildirir ki, Putinlə Sarkisian məhz Dağlıq Qarabağ münaqişəsini müzakirə edəcəklər. (Azadliq.org)