Tramp strateji postlar üçün namizədlərini açıqladı

ANN.Az "Anadolu” agentliyinə istinadən xəbər verir ki, Tramp bu postda təqaüddə olan 66 yaşlı general Con Kellini görmək istədiyini bildirib. 

 

ABŞ mətbuatı D. Trampın Birləşmiş Ştatlar üçün strateji qurum sayılan Ətraf Mühitin Qorunması Agentliyinə namizədinin də adını açıqladığı barədə məlumat yayıb. Bildirilib ki, Tramp bu qurumun rəhbəri postunda Oklohama şəhərinin Baş prokuroru 48 yaşlı Skot Pruiti gətirəcək.

 

Eyni zamanda, Tramp Çinə göndəriləcək yeni səfir postuna da namizədini açıqlayıb. ABŞ mətbuatının məlumatına görə, Tramp bu posta Terri Branstadı namizəd göstərib. Branstadın Çin prezidenti Si Cinpinin yaxın dostu olduğu deyilir. Buna görə də, Cinpin Terri Branstadın səfir olacağı təqdirdə, ona yaxından dəstək olacağını açıqlayıb.

 

Çinin xarici işlər nazirliyinin sözçüsü Lu Kanq qeyd edib ki, Branstad Çin xalqının köhnə dostudur və o, iki ölkə arasında münasibətlərin inkişafında xüsusi rol oynayacaq.

Donald Trampın namizəd göstərdiyi bütün şəxslərin ABŞ Senatı tərəfindən təsdiqlənəcəyi bildirilib.

Qeyd edək ki, Tramp dekabrın 20-də rəsmi olaraq, ABŞ-ın yeni prezidenti elan ediləcək.