"Oskar"a namizəd filmlər açıqlandı
08.12.2016 16:04
"Oskar” mükafatının sənədli filmlər arasındakı qısa siyahısı açıqlanıb.
ANN.Az xarici mətbuata istinadən xəbər verir ki, Amerikanın kino akademiyası 15 film siyahısı təqdim edib. Həmin filmlərdən beşi "Oskar”ın "Ən yaxşı sənədli film” kateqoriyasına namizəddir.
Siyahıya Ava Du Vernanın - "13th”, Raula Pekanın "I am not your Negro”, "O.J: Made in America” filmləri daxildir. Bu filmlər 145 ekran əsəri arasından seçilib.
Namizədlər yanvarın 24-də açıqlanacaq. Laureatlar isə fevralın 26-da "Oskar” təqdimetmə mərasimi zamanı elan ediləcək.
Qeyd edək ki, 1929-cu ildə yaranan və ənənəvi olaraq, kino sahəsinə töhfə verənlərə təqdim olunan mükafat 1940-cı ildən etibarən, "Oskar” mükafatı adlanır.
Minirə Qubatova
www.ann.az
Foto 
Video 
