Türkiyə və Rusiya arasında milli valyuta razılaşması
09.12.2016 10:48
Türkiyənin Enerji və Təbii Sərvətlər naziri Bərat Albayrak Rusiya və Türkiyənin təbii qaz alış-verişində razılaşdığını və satışın Türk lirəsi ilə aparılacağını bildirib.
ANN.Az "NTV Türkiyə”yə istinadən xəbər verir ki, nazir bu barədə Türkiyə parlamentindəki çıxışında danışıb.
Onun sözlərinə görə, Türkiyə xüsusilə enerji sahəsində yeni mərhələyə qədəm qoyub:
"Enerji sahəsində böyük həcmdə olan razılaşmalar artıq milli valyuta ilə (türk lirəsi) aparılır. Rusiya ilə də bu cür alış-verişlər türk lirəsi ilə aparılacaq və bu istiqamətdə mühüm addımlar atılır. Bu işin baş tutmaması üçün çalışanlara isə demək istəyirik ki, heç kəsdən qorxub çəkinmirik. Milli valyutaya tam keçidlə bağlı nə lazımdırsa, edəcəyik”.
Qeyd edək ki, Türkiyə prezidenti Rəcəb Tayyib Ərdoğan artıq bir sıra sahələrdə milli valyutaya keçidlə bağlı addımlar atıldığını qeyd etmişdi.
Kamil ƏMİRLİ
www.ann.az 
Oxşar xəbərlər
Oxşar xəbərlər
Foto 
Video 
