"İrəvan - gizlədilmiş həqiqətlər" filmi təqdim edildi - FOTOLAR

"Fairmont Baku” otelində keçirilən tədbirdə Millət vəkilləri, siyasi xadimlər, ictimaiyyət nümayəndələri iştirak edib.

ANN.Az xəbər verir ki, film Azərbaycanın qədim mədəniyyət mərkəzlərindən olan İrəvan şəhərinin Azərbaycan türklərinə məxsus olması və bu həqiqəti ermənilərin uzun illər ərzində gizlətməyə çalışması haqqında çəkilib.

 

Tədbirdə Gənclər və İdman Nazirliyi yanında Gənclərlə İş üzrə İctimai Şuranın sədri Nurəddin Mehdiyev, AMEA-nın müxbir üzvü Yaqub Mahmudov, AR Prezidentinin İctimai-siyasi məsələlər üzrə köməkçisi Əli Həsənov və digərləri çıxış edib.

Yaqub Mahmudov  bildirib ki, biz həm hərbi, həm də informasiya cəhətdən müharibə şəraitindəyik. Müharibə şəraitində isə hər zaman hücumda olmaq lazımdır. Bu kimi sənədli filmlər ərsəyə gətirməklə həm səsimizi dünya ölkələrinə çatdırarıq, həm də informasiya mübadiləsində hər zaman öndə olarıq.

 

Nurəddin Mehdiyev çıxış edərək "Virtual Qarabag" İnformasiya və Kommunikasiya Texnologiyalari Mərkəzinin bu günə qədər hazırladığı materiallardan danışıb, həmçinin, sözügedən filmin ideyasının necə formalaşması bağlı danışıb. Ermənilərin Romada çəkdiyi və 6 dilə tərcümə edilən "Qədim paytaxt" filmində saxta həqiqətlərdən bəhs edilir. Biz də qərara gəldik ki, bir materialımızı da buna həsr edək. Azərbaycanda ilk dəfə müasir qərb standartlarına uyğun çəkilən bir filmdir və tarixi həqiqətləri hərtərəfli ortaya çıxarır.

 

Gənclər və idman naziri Azad Rəhimov bildirib ki, filmin çəkilməsində arxiv və elmi tədqiqat materiallarından istifadə olunub.

 

Fotolar: Dilavər Nəcəfov